Posts tagged with 'wanvoeding'

 

Suid-Afrika se kinders is honger, siek en verwaarloos – 1 uit elke 31 kinders sterf voor hul vyfde verjaardag – Anc-regime versaak die kinders van ons land

Posted on Leave a comment
Suid-Afrika se kinders is honger en siek, 1 uit elke 31 kinders sterf voor hul vyfde verjaardag Volgens die South African Child Guage 2019 sterf 1 uit elke 31 kinders in die land voor hul die ouderdom van 5 bereik het. Meestal van die kinders sterf a.g.v. voorkombare siektes. ANC-regime versaak die kinders van ons land. Terwyl menigte mense in ’n vakansiegees stemming en opgewonde is oor Kersdag wat nader kruip, speel daar, soos tydens die res van die jaar, ’n tragedie om ons af. Kinders gaan onnodig dood.. In Suid-Afrika word ons gereeld herinner dat die jeug is ons kosbaarste besitting en is die toekoms van môre. Maar hoeveel belê ons in hulle as een uit elke 31 kinders aan meestal voorkombare siektes sterf voordat hulle vyf jaar oud is? In ’n verslag wat onlangs bekend gestel is in Kaapstad , dDie “South African Child Gauge 2019” handel oor kinders en adolessente se gesondheid. In hierdie dokument, die 14de van sy soort, is opgestel onder leiding van die Kinderinstituut aan die Universiteit van Kaapstad saam met vennote soos die Universiteit van die Witwatersrand en die Sentrum vir Uitnemendheid in Menslike Ontwikkeling. Altesame 70 navorsers het aan die lywige wetenskaplike verslag van meer as 260 bladsye gewerk. Volgens die verslag sterf kinders steeds aan wanvoeding, ’n afgryslike gedagte as jy aan Kersfees in sy middelklas-oormaat dink. Netwerk 24 het onlangs die bevindings gepubliseer en dit is soos volg: Elke dag sterf daar 44 kinders in Suid-Afrika aan onder meer diarree, longontsteking, neonatale toestande, wanvoeding, beserings, padongelukke, MIV en geweld. Daar sterf steeds kinders aan wanvoeding, ’n afgryslike gedagte as jy aan Kersfees in sy middelklas-oormaat dink. Soveel as 27% van alle kinders onder vyf jaar in die land ly aan dié toestand. Hulle word reeds met ’n agterstand gebore (13%), omdat hul ma’s ook daaraan ly. Altesame 30% van kinders het nie toegang tot behoorlike waterbronne (aangelê in pype na hul wonings) nie; 21% het nie toegang tot behoorlike sanitasiegeriewe nie en 18% bly in oorvol wonings. As dié toestande verbeter word, sal kinders se gesondheid klaar baie verbeter. Sowat 27% van kinders jonger as vyf jaar in Suid-Afrika ly aan wanvoeding en baie wat ouer is, is ook afhanklik van kos wat hulle by skole kry. Foto: Getty Images Soveel as 60% van die 12,8 miljoen kinders leef onder die armoedelyn – dit is in huishoudings waar die inkomste per capita minder as R1 183 per maand is. Die kindertoelae het aansienlik gehelp om kinders uit uiterste armoede te lig, want dié syfer was in 2003 78%. Dit is steeds hoofsaaklik vroue wat na kinders omsien: ma’s, tannies, oumas en susters, maar tog is 41% van vroue sonder werk. Die probleem met wanvoeding, volgens die verslag, is dat dit kinders se kanse om aan neonatale siektes en infeksies te sterf, aansienlik verhoog. En dit veroorsaak belemmerde motoriese en kognitiewe funksies wat veroorsaak dat die kind nie sy volle potensiaal bereik nie. Dit belemmer groei letterlik – soveel as 21% van kinders groei nie na behore nie. Prof. Maylene Shung King van die eenheid van Gesondheidsbeleid en -sisteme aan die Skool vir Openbare Gesondheid en Gesinsgeneeskunde aan die Universiteit van Kaapstad, sê wanvoeding belemmer ’n kind se kognitiewe ontwikkeling, opvoeding en uiteindelike kans om werk te kry. Dit verhoog ook hul kanse om oorgewig te wees of aan vetsug te ly. “Die risiko’s van die jare as kind en adolessent het ’n invloed op jou latere lewe. Dit skakel gene letterlik aan en af. Wat vroeër gebeur het in jou lewe, maak later saak,” sê sy. Kinders van die sogenaamde Karretjiemense in die Karoo word in uiterste armoede groot. Foto: Conrad Bornman Die gene wat ’n mens van albei jou ouers kry, is ’n soort van bloudruk vir jou ontwikkeling. Dit kan nie verander nie, maar hoe dit aan- en afgeskakel word, sogenaamde epigenetika, kan verander veral in reaksie tot jou omgewing en goeie of slegte gebeure. Die epigenetiese respons verander die manier waarop gene uitgedruk word en dit lê seinbane neer wat moeilik is om te verander soos ’n mens ouer word. ’n Mens is veral kwesbaar vir sulke veranderinge in die eerste 1 000 dae van jou lewe en tydens adolessensie. Die kan lewenslange veranderinge bring. Die voeding, liefde, kanse om te leer, en ’n veilige omgewing is van kritieke belang in die eerste 1 000 dae van ’n baba se lewe. Die jongste risiko-beraming is dat 38% van kinders die gevaar loop om nie na behore te ontwikkel nie. Dié syfer is darem laer as wat dit ’n dekade gelede was. Sielkundige gesondheid en geweld Te veel kinders in Suid-Afrika word in armoedige omstandighede groot wat hulle ’n agterstand vir die res van hul lewens gee. Foto ter illustrasie. Foto: Getty Images Hoewel daar nog beperkte data in Suid-Afrika is, neem kommer toe oor die sielkundige gesondheid van kinders en tieners. Teen die ouderdom van 14 is die helfte van psigiatriese siektes en sielkundige probleme reeds gevestig en teen 24 jaar in driekwart van gevalle, aldus die verslag. Die hoë vlakke van geweld en armoede veroorsaak dat tot ’n derde van swanger vroue aan depressie ly. Dit mag dalk nie so klink nie, maar jou sielkundige welstand en vermoë om te lees, het baie met mekaar te doen. Soveel as 78% van kinders in gr. 11 kan nie met begrip lees nie en die verslag wil dit hê dat die verhouding tussen dié kwessie en geweld sterk is. “Die roete van ’n belediging in die vroeë kinderjare tot moord as volwassene, of ’n gesukkel om te lees en die skool vroeg te verlaat en ’n psigiatriese toestand te ontwikkel, is baie keer lank en gekompliseerd,” lui die studie. Daar is aanduidings dat tussen 10% en 20% van kinders en adolessente aan sielkundige toestande ly, maar daar is byna geen hulp vir hulle nie. Net drie provinsies het kinderpsigiaters in die staatsektor en die persentasie van kinders wat opgeneem word in hospitale hiervoor, strook nie met die ware toedrag van sake nie. In die meeste skole is daar nie terapeute beskikbaar nie, en kinders word net swaar gestraf of uit die klaskamer gestuur. Op dié foto wat in 2012 geneem is, speel ’n seuntjie met ’n sokkerbal wat hy by ’n liefdadigheidsorganisasie gekry het. Hy het saam met sy gesin by Randfontein se munisipale vullishoop gebly. Foto: Gallo Images Dit is juis kinders wat self geweld, ook seksuele geweld, ervaar wat ’n groter risiko loop om sielkundige toestande te ontwikkel en dan ook dwelms te gebruik. Hulle verlaat uiteindelik die skool, wat die risiko van dwelmafhanklikheid en dalk die betrokkenheid by bendes verhoog. Alles hou met mekaar verband, en die een lei tot die ander. Die getal kinders wat in Suid-Afrika vermoor word, 5,5 per 100 000, is hoër as die wêreldgemiddelde van 4 per 100 000. Byna die helfte van kinders wat hier vermoor word se dood hou verband met verwaarlosing en mishandeling. Dit is die een trauma ná die ander. Ons sal baie meer moet doen om kinders regtig ’n beter, regverdige kans te gee wat hulle vir die volwasse lewe voorberei. Die land se kinders is honger, siek, verwaarloos en word as voetgangers in die pad doodgery. Hulle is nie veilig nie. Hulle ly aan trauma – want hulle sien en ervaar self geweld. Kinders behoort nie net te oorleef nie, maar die kans gegun te word om te floreer. Ons sal baie meer moet doen om hulle regtig ’n beter, regverdige kans te gee wat hulle vir die volwasse lewe voorberei en die kans gee om ’n werk te kry. Hulle sal die middelpunt van ontwikkeling en gesondheidsorg moet word. Dit verg nie net ’n politieke wil nie, maar ook die samewerking van die hele gemeenskap. * Bron: “South African Child Gauge 2019”: www.ci.uct.ac.za/cg-2019-child-and-adolescent-health * Brits is ’n vryskut-wetenskapjoernalis. Die menings van skrywers is hul eie en weerspieël nie noodwendig dié van Netwerk24 nie. ’n Lys van verbode voorwerpe en items op die lughawe.

Volgens die South African Child Gauge 2019 sterf 1 uit elke 31 kinders in die land voor hul die ouderdom van 5 bereik het. Meestal van die kinders sterf a.g.v. voorkombare siektes. ANC-regime versaak die kinders van ons land. Terwyl menigte mense in ’n vakansiegees stemming en opgewonde is oor Kersdag wat nader kruip, speel..
Continue reading…

Enjoyed this post? Share it!

 
 

Navorsing toon dat Suid Afrikaanse bejaardes aan wanvoeding ly

Posted on Leave a comment
Navorsing toon dat Suid Afrikaanse bejaardes aan wanvoeding ly

Navorsing deur die Universiteit Stellenbosch wys bejaardes in Suid-Afrika ly aan wanvoeding. ’n Kommervrye oudag is ongelukkig nie vir baie Suid-Afrikaners bo 60 beskore nie, het Maritha Marais, senior lektor in menslike voeding aan die fakulteit geneeskunde en gesondheidswetenskappe, bevind. Die navorsing is onder alle rassegroepe in stedelike en landelike gebiede gedoen. Die Wêreldgesondheidsorganisasie het..
Continue reading…

Enjoyed this post? Share it!